【返工要進修？】上司勸00後下屬進修　事主：做文職工點解要讀書？網民分析讀Master或有1個好處

如果讀書是為了找一份好工作，那麼畢業後投身工作的打工仔，又是否有再進修的必要？

有打工仔在網上討論區「Dcard」發文表示，上司經常建議進修，令她非常不解，坦言：「（我）只係諗住做文職工，點解仲要繼續讀？」但是網民不同意事主的說法，反駁稱進修對任何一個階層的人都有幫助，學歷高在職場上更有一個好處。

延伸閱讀：【讀碩士幾多錢？】讀Master只需4萬蚊？獎學金計劃資助1,000名學生 囊括超過100個課程

按圖睇樓主及網民回應：

+12

+11

樓主：我返工嗰度嘅Manager成日叫我咁後生讀多幾年書先（例如Master/PHD），我明白如果係專科，高啲學歷對人工同職涯的確有正面影響，但如果只係學士學位（非專科）畢業，諗住做文職工，點解仲要繼續讀？定係因為上一代人讀書機會冇而家咁多，所以先會覺得後生有得讀就應該繼續讀？

網民A：意見不同啫，你唔想讀咪當佢講廢話囉。好多專科，或者你想轉行，都要再讀Master，我做咗好多年先讀Master，都覺得太遲。大部分同齡嘅人或者同事都已經Settle down咗。

但當然啦，人生冇話遲唔遲嘅，你願意為你自己嘅人生而活就可以了。

網民B：係咪專科根本唔重要，讀Master對任何一個階層（包括老細）都有用，因為學歷係一個好強大嘅指標去決定升唔升你職，有Master學歷同冇讀嘅人頂薪點都唔同。但係坦白講，PHD對工作作用不大，除非你係老細啦。

網民C：如果想一路升上去，讀Master應該會有用嘅，但係如果你做啲Junior位又會覺得請個Master返嚟太屈就。後生進修好就好在個腦轉得快，冇老咗嗰陣讀咁辛苦。

網民D：吓？公司CEO都冇PHD學歷啦……

網民E：各有各睇法啦，我Manager反而叫我唔使咁快讀個 Master返嚟，寧願我儲多幾年經驗先走去讀都未遲。

網民F：去到要做Decision嘅位，就會覺得自己知識、經驗都唔夠，想學多啲。不過返多幾年工，決定做邊行先讀都未遲，我會Prefer喺間公司做耐咗Handle到先Part time讀Master。

網民G：其實讀唔讀書都係個人選擇嚟，喺香港個個都叫你讀書先有用，先有出路……唔似外國咁，做咩都有人鼓勵，再加埋社會環境影響，令人變咗好似冇咩路好揀咁。

網民H：每個人睇法唔同， 上一份工嘅Manager叫我做幾年嘢累積經驗再讀，現職嘅Manager叫我趁後生讀埋。

呢啲嘢你自己衡量啦，你覺得讀Master會對你未來有幫助，又有多餘錢去讀嘅，咪讀囉；覺得唔需要咪唔好讀。

網民I：點解只係想做一世基層文職？

網民J：大多數Master讀嘅內容，唔係單純濃縮版Degree咋咩？有冇人講吓Master究竟有咩資格可以達到QF6（資歷架構第6級）？

其實進修不僅能增強個人的職業競爭力，還能提升專業知識和技能，使個人能夠勝任更高級、更具挑戰性的職位。但是，由於修讀碩士往往需要花費數十萬元學費及數年時間，因此考慮是否應該進修時，應顧及自己經濟上的負擔能力及時間上的彈性再作決定。

睇埋碩士學歷唔一定搵到工？

+7

+6

Manager隱瞞大學學歷嘅原因係……

+11

+10

延伸閱讀：【升學進修】母親竟反對女兒讀大學？年賺390萬仍拒供讀大學！全因7大苦心理由！

延伸閱讀：【2024升學進修丨修課式碩士丨研究式碩士】兩大碩士課程分類有何分別？即睇入讀／畢業要求、利弊、價錢及讀幾耐

延伸閱讀：【讀碩士唔使錢？】哲學碩士（MPhil）同普通Master有咩分別？讀MPhil唔使交學費仲有人工收？對升讀PhD有冇幫助？

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗