【職場熱話】因去畢業旅行失工作offer 事主嘆去旅行都唔會開心 網民：你自己冇做取捨啫！

大學畢業生在正式進入職場前，通常會去一場畢業旅行，為自己與同學們慶祝一番。不過，假如畢業旅行與你的工作有衝突，你又會怎樣作選擇呢？有一名網民日前在網上討論區「Dcard」分享自己因去畢業旅行而痛失工作機會的經歷，但一眾網民似乎不賣帳，更表示事主自己應該要作出取捨。

延伸閱讀：【Expected Salary點填好？】4個技巧 教你CV點填合理「期望薪金」

按圖睇件事係點：

+12

+11

樓主：我4月嗰陣Book咗6至7月去Grad trip（畢業旅行），有兩個星期唔喺香港。話說我最近In完間公司，之前為呢間嘢落咗好多功夫、做好多功課，來來回回搞咗2個月，最尾話因為我太耐唔喺香港，所以畀唔到Offer我。好唔開心，到時去旅行都去得唔開心！

網民A：可能都係藉口嚟，兩個禮拜唔算真係好耐。

網民B：你有無嘗試過話可以為咗佢哋調動旅行時間先？

網民C：個人認為一定要取捨㗎喇，你去旅行去得咁爽嘅同時，可能有其他人可以早啲返工。喺公司立場嚟講，你又唔會出色到值得佢等你，咁梗係請第二個，社會係咁㗎啦，之後轉工都一樣。

網民D：如果你係MT（Management Trainee）或者GT（Graduate Trainee）program嗰類，你預咗人哋冇可能就你時間轉Onboard day，只有你就返佢哋。

如果係其他普通Entry Level工都唔肯轉，咁一係佢哋真係好缺人一定而家就要，一係佢哋有第二個Option，而嗰個人又同你差唔多，冇需要等你多兩個禮拜。同埋你本身有冇同佢哋溝通過你自己嘅early starting day先？

網民E：你自己冇取捨啫！例如Grad trip去近啲嘅國家同埋縮短行程，而且一完Sem或者Winter Sem Break即刻去，當魚與熊掌不可兼得嘅時候，睇你想揀邊樣㗎啫。

Fresh Grad我個人覺得Grad Job Offer比較重要，Grad trip可以後補，但Offer呢啲機會好少有。

網民F：正常一間公司等1至2個月唔係大問題，佢咁講得都只係想睇你有咩反應，唔識答就無喇，同埋而家咁多Fresh Grad，間間公司都係隨便揀㗎啦。

網民G：係慘嘅，但係你揀咗 Grad trip，佢揀咗第二個，大家都唔係1st Priority，去得Grad trip就唔好愁咁多啦。

網民H：點解唔調日期或者縮短旅行？一定係就咗間公司先㗎喎。

網民I：唔可以轉Onboard day咩？

網民J：我以前都試過咁，點知去完旅行佢打嚟問我返唔返去，好似好缺人。

大部分網民都應該樓主應該遷就公司，更改去畢業旅行的時間，甚至完全取消去畢業旅行。的確這件事上面，事主應該要自己作出取捨，如果覺得畢業旅行比較重要，其實去完旅行再回港求職也不是大問題。

睇埋畢業生寫CV求職有咩技巧：

+24

+23

邊啲Major收入較高？

+14

+13

延伸閱讀：【大學排名】2025 QS世界大學排名出爐 本港3間大學排名創歷史新高！

延伸閱讀：【職場新鮮人】畢業生啱唔啱做初創公司？有呢3個特點先好做！

延伸閱讀：【大灣區】畢業生必睇！一文睇清「大灣區青年就業計劃」 詳情及注意事項

最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱