【職場熱話】返工每日一式一樣？畢業生感嘆生活好悶！網民：辛苦在唔知自己做緊乜⋯⋯

學生走出校園，投身職場成為一名打工仔，剛到新環境難免遇上適應問題。有畢業生在網上討論區Dcard大吐苦水，指上班後每天工作一式一樣，令他感到非常苦悶，網民深有同感：「辛苦在不知自己在做甚麼⋯⋯」

點圖即看事主分享：

+11

+10

事主：「以前每一兩日就可以見到朋友，而家一兩個星期先見到一兩個朋友，仲要大家都唔敢留到太夜或者見得耐，因為大家第二日都有嘢做。

返咗工之後覺得過生活要好用力，先可以變得唔係咁一式一樣，好勤力咁去做運動，好努力咁去學新嘅嘢；但以前可以好隨心，攰就唞吓，去做好多嘢都感覺好自由，想做就做，唔想做就攤，攤完都唔會覺得自己好廢。

而家放咗工，留喺屋企就會覺得自己好廢，而且日復一日咁，生活變到一式一樣好悶，想搵啲新刺激。簡單啲講，感覺而家搵新刺激嘅成本好高。（純抒發，有同感嘅人可以喺到留低comment，一齊圍吓爐）聽日都係照舊返工。」

網民回應：

A/覺得呀，辛苦晒！

B/我仲讀緊書，最熟嘅朋友都係一個月先見一次，有時完Sem先會見！

C/辛苦喺每日都唔知自己做緊咩，返工放工瞓覺嘅生活不停重複，返工除咗出糧就冇其他意義，能夠有一份自己有興趣或者覺得有意義嘅工作已經好幸運。

D/唔知點解我讀書讀到好忙，但朋友又唔算少？重點好多都係唔同地方識，冇得一次過約出嚟食飯，但我又冇咁多時間出街，所以呢幾年每個朋友最多見3次⋯⋯

E/返Shift嘅表示，同朋友一個月約到一次都算好⋯⋯

F/遲多幾年，你唯一一次可以見返朋友，就係機場farewell嘅時候。

G/未畢業，但有時候要自己一個人去返工都覺得好Lonely。

H/根本就有時間諗孤唔孤獨，難得可以一個人Chill先放鬆。

部分網民對事主的帖文表示同感，指辛苦在每天不知道自己在做甚麼，上班下班不停重複，除了發薪日外，坦言上班沒有其他意義，覺得找到自己喜愛的工作，或者有意義的工作已經很幸運。輪班制打工仔指，跟朋友約到一次已經非常幸運。持不同意見的網民認為，沒有時間想自己是否孤獨，皆因獨處的機會相當難得。

每天工作覺得沉悶，找不到意義，換個想法或者對你有幫助：（點圖了解更多）

+10

+9

即睇5個小習慣拯救職業倦怠：

+13

+12

延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者

最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！