【留學八卦】去外國讀書大感貧富懸殊？ 網民：同班有錢人做朋友大把着數

到外國讀書大感貧富懸殊？一名在紐約讀書的網民在連登討論區分享國外讀書經歷，他表示近期受白人朋友邀請出席其生日派對，派對上的所見所聞令他大感震驚，世界觀被顛覆。原來，事主朋友的家境十分優越，不但住大別墅、坐擁大片土地，更為了慶祝生日而聘請了表演嘉賓，甚至用馬車接送出席人士。如此派頭難怪事主震驚。

不過，網民直指世界之大，有錢人的生活遠遠超乎人想像。同時，有網民建議事主趁着出國留學，把握機會結交有錢人，因為將來這些人脈大有用途。

延伸閱讀：【外國職場】英國巴士司機點樣做？ 福利人工有幾多 移英打工仔網上大公開

+12

+11

事主：我喺紐約讀書，有個白人女仔朋友生日party 約大家去佢屋企玩，睇佢平時T- shirt 牛仔褲普普通通，點知住別墅，間屋有大片草地、私人廚師、豪車、冰雕、仲有表演睇。

由於個生日Party主題係《唐頓莊園》（英國迷你劇），佢仲請咗幾架馬車連車伕接大家，成晚係好好玩，但我感覺世界觀好似唔同咗。

網民A：幸福係靠自己爭取！

網民B：外國本地有錢的反而見得少，但大陸富二代留學就一大堆，見佢哋日日坐名車返學。

網民C：其實外國大城市貧富懸殊好嚴重，感覺仲嚴重過香港。

網民D：住英國寄宿學校見識過中東、俄羅斯油王啲仔女，仲有啲唔知貪咗國家幾多錢嘅官二代，佢哋係我成世人見過最極端有錢嘅人，啲錢好似取之不盡咁。

網民E：呢個世界不嬲係大部份人受苦，少部份人爽。

網民F：講真，香港算係人人有公平機會，只要唔太廢，起碼都買到名牌衫同食到米芝蓮先。

網民G：有錢的確可以做到好多嘢！見過啲有錢人可以約到同明星食飯，疫情嗰時機位滿晒，佢哋直接坐私人飛機出入。

網民H：而家都少咗見到有錢人，10年前啲有錢人真係好高調，成班美國華人圈真係晚晚超級跑車出巡，而家網絡發達佢哋真係低調晒。

網民I：出國留學，一部份真係學好英文，另一部份就係識呢堆有錢人，叫佢哋求其手指漏少少出嚟都夠你食。有咗呢啲人脈，到你出嚟做嘢真係好有用（雖然唔係個個都做到，畢竟家境差太遠好難friend到。中產仔女雖然過到去係同差唔多level家境啲人圍爐，但就算中產網絡都好有用，求其friend搭friend都係做醫生律師之類。基層點解係基層？就係因為識埋堆基層，大家都係咁上下發展，無人專業幫到手。

不少曾在外國留學的網民回應事主經歷，他們表示在外國見過不少家境殷厚的學生，甚至不乏中東油王、國家政要的子女，他們天天坐名貴跑車上學，出手闊綽，彷彿有取之不盡的金錢。

有網民提醒事主，結交這些有錢人對未來發展十分有幫助，因為他們有財力、資源，甚至重要消息來源，他們的資訊隨時令事主在事業路上少走很多彎路。

即睇職場上的飯局禮儀4大加分位，助你吃出錢途！

+9

+8

女友屋企超有錢，男友被父母嫌棄？

+9

+8

延伸閱讀：【職場熱話】做客服冇晒私人同生活時間 轉唔轉工好？網民：做CS辛苦到 快手轉工吧啦！

延伸閱讀：【職場辛酸】畢業返工就畀屋企人Chur畀家用 諗吓都覺得辛苦！網民：返多幾年就慣！

延伸閱讀：【公司炒人】公司想炒人前 會有啲乜先兆？網民：一係投閒置散，再唔係就乜都叫你做

最新專訪片︰

【星級斜槓族】陳欣茵離巢TVB後積極多元發展 冀踏足影圈 不希望被定型為性感路線