【職涯規劃】50歲中年大叔唔識英文︰無學歷就無得做文職？

時代不同，在70、80年代，只要你是中學畢業已算高學歷，可是到現今，大學畢業只是職場上一張最基本的入場卷，假如你沒有相關的學歷，分分鐘連入場的機會也沒有。讀者Neal的叔叔現年50歲，幾個月前因公司營運問題而被裁掉，由於叔叔已於該公司工仔20多年，沒有其他的工作經驗，因此幾個月來一直無法找到合適的文職工作，令叔叔心情跌落谷底。

按圖了解讀者Neal叔叔的故事︰

 

延伸閱讀︰【職場熱話】打工仔：工作壓力大到要食藥 但又唔敢辭職 網民：舒壓可從日常入手
 

 

讀者Neal︰「原來人到中年，搵工真係咁難㗎…特別係嗰啲英文唔叻或者無大學沙紙嘅中年人，喺呢段時期真係被人淘汰…我叔叔今年50歲，我哋感情一向都好好，佢由細睇到我大，成日會約出嚟食飯。佢一直都係一個肥嘟嘟叔叔，但呢幾個月見佢越嚟越消瘦，本身我擔心佢身體有問題，但追問之後，先知原來佢幾個月前，由出嚟做嘢開始做到而家嗰間公司，因為營運問題而炒人。我叔叔係老臣子，做咗20幾年，無諗過公司咁都炒佢！無工開之後，叔叔一直都搵唔到工，大部份文職工都要大學學歷，佢英文又唔叻，所以一直無Offer。

幾個月嚟，就算有工畀佢見，最後都係因為英文差而無下文。佢話就話無咩所謂，話當休息下咁，但係睇得出佢個樣真係好灰，如果唔係唔會瘦咗咁多… 我有問過叔叔，會唔會轉行或者做保安等等。佢都好老實咁答我，話如果再搵唔到工，都要行呢一步。不過佢個人好正面、好樂觀，佢成日教我做人唔好放棄，話個天一直會畀機會我哋。雖然佢學歷唔高，又唔係大富大貴，但係我一直當佢係我個人生導師。 喺呢個咁嘅疫情下，呢個咁嘅求職市場下，叔叔都可以咁樣面對，我真係好佩服佢。

希望所有失業，仲未搵到工嘅香港人，大家都要好似叔叔咁正面，唔好因為一兩個月嘅失敗而放棄！加油呀！」

 

失業後想轉行？無須高學歷都能入行的高薪工作
中年失業？無學歷找不到工？其實香港有很多工種無須大學學位，而且有不錯的前途和薪酬待遇，按圖了解更多︰

延伸閱讀︰【中年轉行】50歲轉行做保安 失去工作動力 打工仔︰做人好無意思

延伸閱讀︰【行業辛酸】$14000做倉務員 試用期6個月 中年打工仔老細因一個舉動辭職！